Home » Вработените во здравствениот сектор во Тетово ќе штрајкуваат секој ден од 10 до 10:30 часот

Вработените во здравствениот сектор во Тетово ќе штрајкуваат секој ден од 10 до 10:30 часот

by Журнал.мк

Вработените лекари и медицински лица во Клиничка Болница и Здравствен Дом во Тетово денеска од 10 до 10:30 часот штрајкуваат на работните места согласно поддршката што ја даваат како гранков синдикат на Сојузот на синдикати на Македонија (ССМ)

Според информациите од синдикалните претставници, додека трае штрајкот дел од нивните колеги ќе останат на работните места за да нема прекин во работата на Клиничката болница и Здравствениот Дом.

-Синдикалната организација при ЈЗУ Клиничка Болница и Здравствен Дом Тетово се приклучува на штрајкот во организација на Сојузот на синдикати на Македонија за линеарно покачување на платите за 2806 денари. Тоа е нешто што Владата ни го вети, но се уште го нема реализирано, како и за правото што одамна сме го изгубиле К-15. Секој ден ќе се собираме се додека не се реализираат нашите барања. За да не трпат пациентите наши колеги се на работните места, процесот се одвива, половина од нас се на работни места и имаме поддршка, изјави Слободанка Грнчароска, претседателка на Синдикалната организација при ЈЗУ Клиничка Болница и Здравствен Дом Тетово.

Според насоките од ССМ, во здравството штрајкот ќе се одвива секој ден од 10 до 10:30 часот.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More