Во Словенија војската во состојба на готовност поради најавеното невреме

Службата за цивилна заштита на Словенија, поради најавеното невреме, издаде наредба со која целиот нејзин систем се става во состојба на готовност, вклучувајќи ја и војската. Целта е што побрзо да можат да реагираат и да им помогнат на општините.

Се очекува до сабота наутро, над Словенија да се формираат појаси на обилни дождови, а врнежите ќе засилат на горските бариери на западна и јужна Словенија и над Горски Котар. Ветерот потоа обилните врнежи ќе ги носи и над централна и источна Словенија.

Северната страна на Алпите веќе ја погодил осетно постуден воздух, кој во следните денови постепено ќе се спушта во словенечките места, а посилни врнежи се очекуваат ноќеска, до сабота наутро.