Home » Во петок седница за уставните измени, власта и опозицијата остануваат со спротивни ставови

Во петок седница за уставните измени, власта и опозицијата остануваат со спротивни ставови

by Журнал.мк

Во пресрет на собраниската седница на која треба да се дебатира за владиниот предлог за пристапување кон измена на Уставот, опозицијата останува на ставот дека вметнување на Бугарите во Уставот нема да има. Власта ја повикува ВМРО-ДПМНЕ да се приклучи на проевропскиот блок и да даде поддршка на уставните измени за да продолжи патот на земјава кон пристапни преговори со ЕУ.

Пратеничката група на ВМРО-ДПМНЕ, уште еднаш повтори дека остануваат на ставот дека уставни измени ќе нема, пред седницата во петок. Оваа седница ќе биде добра можност да се види дека власта цела година лаже, манипулира и сее магла околу уставните измени, а не се ни блиску до уставни измени, рече координаторот на пратениците на ВМРО-ДПМНЕ, Мицевски.

Во СДСМ очекуваат сите 120 пратеници да се стават на висината на задачата, да ја сфатат одговорноста којашто сите ја имаат пред граѓаните. Од СДСМ потенцираат дека ова на Мицкоски му е последната можност да се приклучи кон проевропскиот блок.

Шефот на македонската дипломатија во објавата на социјалните мрежи наведува дека станува збор за почетокот на еден од најважните процеси за обезбедување сигурна и просперитетна европска иднина за граѓаните на Северна Македонија. Османи повика да „не се дозволи да се дефокусираме и дезориентираме, туку да го зачуваме курсот и родителската грижа за идните генерации“.

Поранешна министерка за надворешни работи на Бугарија, Захариева ги повика, како што вели, да не се плашат од промените. Измената на Уставот на Република Северна Македонија не е голема работа. Бугарите се дел од реалноста во Република Северна Македонија и тоа мора да се прифати, потенцира поранешната шефица на бугарската дипломатија.

Спикерот на македонскиот парламент, Талат Џафери, претходно изјави дека доколку го нема потребно двотретинско мнозинство, тој може да ја заклучи дебатата за промена на Уставот, а гласањето да се одложи на неопределено време.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More