Денеска во Белата куќа ќе се одржи состанок меѓу американскиот претседател Џо Бајден и ирачкиот премиер Мустафа ал-Кадими за американското воено присуство во Ирак. До ова доаѓа по неколкудневните разговори во Вашингтон меѓу ирачката делегација и претставници на американската администрација Портпаролот на Пентагон, Џон Кирби изјави дека разговорите се посветени на „долгорочната воена соработка“ меѓу Ирак и Соединетите држави.
Американскиот министер за одбрана Лојд Остин кој се приклучи на разговорите изјави дека целта е да се „потврди посветеноста“ за продолжување на борбата против екстремистите на Исламската држава. Стратешкиот дијалог меѓу Соединетите држави и Ирак треба да резултира и со временски распоред за повлекување на меѓународната коалиција која се бори против Исламска држава од 2014 година.
