227
Жителите на Кубер Педи, рударско гратче во Австралија живеат под земја.
Во тој град денеска 60 отсто од вкупно 2.500 жители живеат под земја, во куќи изградени во камења и дупки, каде најчесто единствен знак за нивното постоење се цевките за вентилација. Во лето, кога температурите во Кубер Педи достигнуваат и до 55 степени Целзиусови, животот над земјата е толку неподнослив што често мртви птици паѓаат од небото. Затоа преселувањето под земја е логична одлука за многу жители.Преведен од еден од домородните јазици, Кубер Педи значи „бел човек во дупка“. Во Кубер Педи има многу под земја – не само домови, туку и продавници, мотел и ресторани. Подземните објекти мора да бидат длабоки најмалку четири метри, а во тој момент животот е пријатен во лето, најмногу на температура од 23 степени Целзиусови. Кога температурата во зимските ноќи ќе се спушти до 2 степени, подземните куќи совршено ја зачувуваат топлината.
