Необична глетка вчера е забележана на улиците на босанскиот главен град Сараево – мечка трчаше по улиците во населбата Вратник. На учениците во населбата им било забрането да излегуваат надвор од училиштата, додека ловџии се обидувале да го стигнат и да го заловат вознемиреното животно, чија „посета“ ги вознемири и жителите на градот.
Претседателот на Ловечкото здружение „Стари град“ од Сараево, Муриз Буква, за Н1 изјавил дека мечката не е фатена, но и дека ловџиите ја „насочиле“ кон област која не е населена, од каде ќе може да се врати во шумите и во планините со кои е опкружено Сараево.
Засега нема пријавени штети, па се претпоставува дека мечката заталкала барајќи храна.
Na ulicama Sarajeva primijećen je medvjed, nakon čega je upućen interventni tim Lovačkog društva Sarajevo. Medvjed je usmjeren u pravcu nenaseljenog područja, tako da je neobični "izlet" divlje životinje završen bez posljedica.#BiH#Sarajevo#medvjed#životinjepic.twitter.com/FOoWaspCVB
