Отсуството на соодветен звук е еден од главните недостатоци на електричните спортски автомобили, според мислењето на октанските вљубеници.
Во „BMW“ настојуваат тоа да го поправат, па дури и го ангажирале двојниот добитник на Оскар, Ханс Цимер да создаде соодветен звучен пејзаж на баварските електрични модели.
Еден од нив е „BMW i7 M70“, најпрестижниот електричен модел на „BMW“, но и еден од технолошки најмодерните автомобили на денешницата.
Автомобилот сега ја започнува промотивната кампања, а со таа цел „BMW“ за првиот ден од филмскиот фестивал во Кан подготви краткометражен филм со наслов „The Calm“.
Во овој акциски филм главни протагонисти се Пом Клементиеф, Ума Турман и Нејт Пери, секако, покрај оваа лимузина на „BMW“.
