Британскиот актер Џуд Ло во новата улога на капетанот Хук во „Питер Пан и Венди“ изгледа прилично непрепознатливо, а прикажан е со долга, несредена коса и мустаќи додека носи капетанска униформа.
Џуд Ло е еден од најпрепознатливите актери во светот, но оваа недела тој ги шокираше фановите со претстојната улога на капетанот Хук во новиот филм на Дизни наречен „Питер Пан и Венди“.
Првиот поглед на британскиот актер во улогата на негативец го покажува актерот со долга, неуредна седа коса и мустаќи. Во вторникот наутро, Дизни го претстави првиот официјален тизер и постер за очекуваниот филм.
Популарниот 50-годишник рекол дека е возбуден што изгледа како кошмарен лик во споменатиот филм.
„Дел од детството се кошмарите и стравовите што ги имаме сите… и Капетан Хук, како и многу негативци на Дизни, го отелотворува тоа“, изјавил тој.
„Тоа беше нешто што сакав да го извлечам од тоа. Не сакав да бидам предмет на детски кошмари, иако се чувствував важно, но оваа верзија има прекрасни детали каде што можете да погледнете наназад и да разберете малку зошто тој е таму и зошто се однесува како што се однесува“, објаснил тој.
„Питер Пан и Венди“ е повторна реимагинација на класичниот роман и анимирана класика од 1953 година. Се фокусира на Венди Дарлинг, млада девојка која се плаши да го напушти својот дом од детството, која потоа го запознава Петар Пан, момче кое одбива да порасне.
