12.8 C
Skopje
Monday, June 14, 2021

Брисел денеска ќе ги презентира ковид-пасошите

Најчитани вести

Одење во ресторан или кино, патување на море или скијање, наскоро може да биде можно за луѓето кои примиле вакцина против коронавирус.

Европската комисија денеска ќе го презентира нацрт “зелениот сертификат” што може да важи во сите земји-членки на ЕУ. Според пишувањето во медиумите, граѓаните во своите „сертификати“ ќе имаат забележана вакцинација против коронавирус, позитивен корона-тест стар најмалку 20 дена, кој сугерира дека има антитела или нов негативен тест како доказ дека тој во моментот не е заразен.

Како тоа може да изгледа, покажува примерот на две мали области во Германија кои веќе користат такви картички. Апликацијата, на хартија или пластична картичка, ги содржи основните лични податоци на корисникот и QR-код што може да се скенира со мобилен телефон, на пример на влезот во ресторанот. Потоа се отвора список на вакцини или тестови за коронавирус.

Системот е развиен од келнскиот старт-ап Ubirch, кој сега, заедно со гигантот ИБМ, треба да го подготви овој „пасош за вакцинација“ за цела Германија, за што државата заштеди 2,7 милиони евра.

Европската комисија е на удар на земјите-членки пред се заради набавката на вакцините, тие велат дека Брисел преговарал бавно и преговарал премногу, додека земјите како САД и Велика Британија биле побрзи. Затоа „зелениот сертификат“ сега треба да го врати угледот на Брисел, пишува весникот „Ханделсблат“ во Дизелдорф.

Сепак, планот беше оценет како „амбициозен“ затоа што одлуките треба да ги донесат Европскиот совет и Европскиот парламент, а тоа може да потрае и не е сигурно дека сите земји на ЕУ ќе пристапат на овој пакт, пишува „Дојче веле“.

Исто така, постои спор околу тоа дали вирусот е гаранција за имунитет. Некои членки на ЕУ сметаат дека антителата обично остануваат три до шест месеци од инфекцијата, други пак зборуваат за осум месеци. Исто така, прашање е дали да се прифатат во „сертификатот“ само негативните резултати од тестот за ПЦР, или и брзиот тест за антиген.

Се уште не е јасно дали во тој пасош ќе бидат прифатени само вакцините одобрени од ЕУ. Тоа се вакцините на „Астразенека“, „Фајзер/Бионтек“ „Модерна“ и „Џонсон и Џонсон“. Европската агенција за лекови размислува и за други вакцини, како што е руската „спутник В“.

Повеќе вести

- Advertisement -spot_img

Најнови вести