Home » Борисов и Костадинов обвинија дека „Продолжуваме со промената” купува пратеници во Народното собрание

Борисов и Костадинов обвинија дека „Продолжуваме со промената” купува пратеници во Народното собрание

by Журнал.мк

Пред градоначалниците и општинските советници во Нова Загора, каде партијата ГЕРБ победи на делумните локални избори, Бојко Борисов ги обвини властите во Бугарија дека се непринципиелни при формирањето на новата влада, велејќи дека со толку многу пари и корупција може да формираат , но според него ова ќе биде агонија. Како што јави дописникот на МИА од Софија, според Борисов, најдобро е ГЕРБ да формира влада во Бугарија, бидејќи ќе пропаднат. Тој рече дека купуваат пратеници за поддршка на новата влада во Народното собрание на земјата. Со истите обвинувања на прес-конференција излезе и Костадин Костадинов, лидерот на партијата „Преросдба”, дека претставници на владејачката коалиција во Бугарија контактирале со тројца нивни заменици, нудејќи им различни облици на стимулации за поддршка на кабинетот „Василев”.


Според него, очигледно сегашниот парламент не само што го допрел дното, туку се претворил во многу сериозна организирана криминална група, во која премиерот во оставка Кирил Петков не се двоуми јавно да проговори за тоа дека бараат 121 пратеник. Министерот за внатрешни работи на Бугарија, Бојко Рашков, одговори на обвинувањата на лидерот на ГЕРБ, Бојко Борисов, кој рече дека таквите како него воопшто немаат морално право да зборуваат за избори и додаде дека во партиските штабови се создавала трговија со гласови кои собирале пари од нивните озбирачи од фирми за да ги поткупат најсиромашните гласачи со нив.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More