23.8 C
Skopje
Friday, June 25, 2021

Борел: Русија демократските вредности ги гледа како закана

Најчитани вести

Високиот претставник на ЕУ за надворешна политика и безбедност Жозеп Борел изрази загриженост поради одбивањето на руските власти да воспостават поконструктивен дијалог со ЕУ и ги повика европските лидери да преземат понатамошни чекори, вклучително и можност за санкции.

„Руските власти не сакаа да ја искористат можноста за поконструктивен дијалог. Ова е жално и затоа треба да преземеме понатамошни чекори. Земјите-членки ќе одлучат за понатамошните мерки и да, тие може да вклучуваат и санкции“, напиша Борел на „Твитер“ по враќањето од Русија каде престојуваше од 4 до 7 февруари.

Предвидено е министрите за надворешни работи на ЕУ да се состанат на 22 февруари за да одлучат што понатаму по посетата на Борел на Русија и разговорите со рускиот министер за надворешни работи, Сергеј Лавров, при што Кремљ го одби барањето на европските лидери за ослободување на лидерот на опозицијата Алексеј Навални од притвор и протера тројца европски дипломати од Русија.

Одлуката за воведување санкции мора да се донесе едногласно по предлог на земја-членка. Борел не може да предложи ништо. Тој може да даде само препорака, што го направи во извештајот за својата посета.

„Се вратив во Брисел многу загрижен за иднината на руското општество и руските геостратешки одлуки. Мојата средба со министерот Лавров и пораките испратени од руските власти по повод таа посета потврдија дека Европа и Русија се оддалечуваат. Се чини дека Русија постепено се оддалечува од Европа и гледа на демократските вредности како на егзистенцијална закана“, нагласи Борел.

Повеќе вести

- Advertisement -spot_img

Најнови вести