23.8 C
Skopje
Saturday, May 21, 2022

Болница во САД одбила да изврши трансплантација на срце на невакциниран пациент

Најчитани вести

Американската болница во Бостон одби да му изврши трансплантација на срце на пациентот бидејќи не бил вакциниран против Ковид-19.

Диџеј Фергусон (31) има очајна потреба од ново срце, но болницата во Бостон го отстранила од списокот за трансплантација, рекол неговиот татко Дејвид, пренесува Би-Би-Си.

Тој додаде дека вакцината против Ковид е спротивна на „основните принципи“ на неговиот син и дека тој не верува во тоа.

Болницата соопшти дека ја следи нејзината внатрешна политика. „Поради недостаток на достапни органи, правиме се што можеме за да се осигураме дека пациентот на кој му е трансплантиран орган има најдобри можни шанси за преживување“, се вели во соопштението на болницата проследено до Би-Би-Си.

Портпаролот на болницата рече дека здравствената установа бара од кандидатите за трансплантација да се вакцинираат против Ковид и да живеат за да имаат најдобри шанси за успешна операција и да ги оптимизираат нивните шанси за преживување по трансплантацијата, бидејќи нивниот имунолошки систем е драстично потиснат.

Внимателна изјава од болницата може да сугерира дека други фактори освен невакцинацијата стојат зад одлуката пациентот да се прогласи за неспособен за трансплантација, наведува Би-Би-Си, додавајќи дека болницата одбила да разговара за деталите, повикувајќи се на приватноста на пациентот.

Болницата додаде дека повеќето од 100.000 лица на списоците за трансплантација нема да добијат орган во следните пет години поради големиот недостиг на достапни органи.

Вакцинираните луѓе имаат поголеми шанси да преживеат постоперативно Фергусон е во болница од 26 ноември 2021 година и страда од наследен срцев проблем поради кој неговите бели дробови се полнат со крв и течност.

Организатор од Фондацијата GoFundMe рече дека Фергусон е загрижен дека може да добие воспаление на срцето како можен несакан ефект на вакцината против Ковид, за која американскиот Центар за контрола и превенција на болести (ЦДЦ) рече дека е ретка и привремена – и дека може да се покаже опасна со оглед на слабоста на неговото срце.

ЦДЦ ги охрабрува оние со трансплантација на органи и оние во нивниот близок круг да бидат целосно вакцинирани и со засилена доза на вакцина.

Артур Каплан, шеф на Одделот за медицинска етика на Медицинскиот факултет Гросман во Њујорк, предупредува дека по трансплантација на кој било орган, имунолошкиот систем на пациентот речиси и да не постои, па дури и обичната настинка може да биде фатална за него.

-Органите се дефицитарни и нема да ги дадеме на некој што има слаби шанси за преживување, кога оние кои се вакницирани имаат поголеми шанси за постоперативноо преживување, рече Каплан.

Татко на две деца, а со третото на пат, Фергусон ќе остане во болница до понатамошно известување, изјавија неговите најблиски.

Неговото семејство рече дека тој е премногу слаб за да биде префрлен во друга болница, а „неговото време истекува“.

“Моето момче се бори прилично храбро и има интегритет и принципи во кои навистина верува, што ме тера да го почитувам уште повеќе. Тоа е неговото тело. Тоа е негов избор”, рекол таткото на Фергусон.

Ова не е прв пат невакциниран пациент во САД да се соочи со проблеми со лекувањето во последните неколку недели.

На почетокот на овој месец, една жена од Минесота ја тужеше локалната болница откако лекарите се обидоа да го отстранат нејзиниот невакциниран сопруг од респиратор на кој бил приклучен два месеци.

Малку повеќе од 63 отсто од возрасната популација во САД се вакцинирани со две дози, а околу 40 отсто од нив ја примиле третата.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com