Home » БМВ го претстави новиот X1, познати се и цените

БМВ го претстави новиот X1, познати се и цените

by Журнал.мк

Пристигна третата генерација , а терминот најмал X земете го со резерва затоа што X1 е сè само не мал автомобил.

Со нови стилски елементи, особено напред со вертикално поставена и речиси правоаголна решетка и LED светла слични на оние од серијата 3, новиот модел изгледа моќно и многу сериозно.

Новиот модел е 53 mm подолг, 24 mm поширок и 44 mm повисок, па затоа не е чудно што понудата на простор ќе се подобри. Во таа насока одат податоците за поголемото меѓуоскино растојание. Доволно е да се каже дека багажникот голта 540 литри товар, а со преклопени задни седишта дури 1,6 „кубни метри“.

Дигиталниот кокпит се подразбира, така што речиси и да нема физички клучеви. Затоа треба да ги допирате екраните или да го контролирате со гласот, накратко, сè е многу слично на серијата 2 Active Tourer.

Во однос на технологијата, најголемата новост е премиерата на електричната верзија. iX1 има по еден електричен мотор на предната и задната оска. Тие даваат вкупно 313 КС и 494 Nm, а со батерија од 64,7 kWh нудат автономија од 438 km.

Потоа следат plug-in хибриди со 1,5 трицилиндрични и две нивоа на моќност (245 КС и 326 КС). Кога станува збор за класиците, постојат две опции за бензин и две дизел. Почетниот бензинец е 1,5 трицилиндричен со 136 КС, а помоќната опција е единицата 2,0 со 204 КС и погон на сите тркала. Послабиот дизел дава 150 КС, а помоќниот 197 КС. Подоцна ќе бидат претставени уште некои изведби, исто така во форма на благ 48V хибрид.

Познати се и цените за германскиот пазар, кои се движат од 41.400 евра за основен бензинец до 55.000 евра за електричната верзија. Почетокот на продажбата е темпиран за октомври.

Цени во Германија

• BMW X1 sDrive18i: од 41.400 еур

• BMW X1 xDrive23i: од 49.450 еур

• BMW X1 sDrive18d: од 43.950 еур

• BMW X1 xDrive23d: од 50.150 еур

• BMW X1 xDrive25e: од 47.550 еур

• BMW X1 xDrive30e: од 49.950 еур

• BMW iX1 xDrive30: од 55.000 евра

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More