Блинкен е убеден дека Путин ќе се обиде да ја собори владата во Украина

Американскиот државен секретар Ентони Блинкен изјави дека е сигурен оти рускиот претседател Владимир Путин ќе се обиде да ја собори актуелната власт во Украина.

Во интервју за ABC, Блинкен рече дека тоа е дел од планот на Русија да го нападне Киев и другите поголеми градови во Украина, заедно со нападите врз земјата од северната, источната и јужната граница.

Блинкен повтори дека САД се посветени на одбрана на сојузниците на НАТО, предупредувајќи дека нападот врз една членка на НАТО е напад врз сите членки на Алијансата.