21.8 C
Skopje
Tuesday, June 15, 2021

Белгискиот виролог Ван Ранст ги критикува богатите земји за вакцините

Најчитани вести

Еден од најугледните белгиски виролози и член на кризниот штаб за Ковид-19, Марк Ван Ранст, преку Твитер порача дека е неправедно што богатите земји први имаат пристап до вакцините против Ковид-19, јави дописничката на МИА од Брисел.

Тој на социјалната мрежа објави мапа на која се гледа дека најбогатите земји имаат најдобра покриеност со вакцини против Ковид-19 и напиша “ова не е праведно“.

Со иста порака се огласи и генералниот директор на Светската здравствена организација, Тедрос Гебрејесус. Тој предупреди дека светот се наоѓа пред “морална криза„ и ги нарече богатите земји “себични“. Гебрејесус ги критикуваше и фармацевтските компании кои добиваат лиценци директно од богатите земји, наместо да побараат дозвола од Светската здравствена организација за глобална употреба на вакцините.

Белгискиот виролог Ван Ранст со оваа порака преку Твитер стави до знаење дека ја поддржува позицијата на Гебрејесус. Ван Ранст е дел од кризниот штаб, а е член и на научниот комитет кој ги советува белгиските власти од почетокот на оваа здравствена криза. Ван Ранст се смета за еден од најугледните научници во Белгија.

Повеќе вести

- Advertisement -spot_img

Најнови вести