16.8 C
Skopje
Monday, October 3, 2022

Бебето од Харков на безбедно, евакуирано уште едно македонско семејство од Украина

Најчитани вести

Бебето Симеон, кое се роди во Харков, само два дена пред руската инвазија, се` уште е на пат за дома. Со неговото семејство е во конвојот што се приближува до границата со Молдавија. Се чувствуваат добро, веќе се на безбедно и се очекува денеска да ја напуштат Украина. Евакуирани се и други наши државјани.

-Денеска уште едно семејство од Запорожје преку воз излегуваат од Украина и двајца поединци исто така од нашите граѓани од Киев со кола се приклучени на еден конвој, додека останатите 15 монитори од специјалната мисија денеска исто така ја напуштија Украина. Така што, во моментот имаме само еден од тие вкупно 30-те монитори во рамки на специјалната мисија којшто е останат во Украина, така што продолжуваме со овие комуникации и со разговори со партнерските земји да ги извлечеме сите безбедно од Украина, рече министерот за надворешни работи, Бујар Османи.

Најкритична е ситуацијата во Киев, каде е обезбеден коридор за излез, но нашите државјани не можат да стигнат до него.

-Обезбедивме безбедносен коридор, меѓутоа, прашањето е што они не можат да стигнат до местото каде што тргнува тој безбеден коридор поради различни причини – безбедносни причини, немаат ниту гориво за да можат да се движат безбедно низ тој коридор, така што имаме неколку околности коишто ги имаме предвид, меѓутоа комуницираме за да создадеме коридори коишто се поблиску до нивното место на наоѓање, вели Османи.

Синоќа во Романија пристигнаа и нашите државјани кои беа евакуирани со конвој од четири бугарски автобуси и автомобили од бугарската амбасада во Киев, во кои се наоѓаа 200 лица –бугарски, украински и американски државјани. На границата беа пречекани од бугарската министерка Теодора Генчовска. Според возачите на автобусите, патувале добро, а имале и доволно храна и вода.За сите е обезбедено и место за преспивање и храна во хотели во приморскиот град Варна.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com