13 C
Skopje
Saturday, May 8, 2021

Барса беше пред елиминација, но Гризман донесе епски пресврт во Гранада!

Најчитани вести

Во најдраматичниот натпревар од Купот на Кралот сезонава, Барса беше пред елиминација од Гранада, домаќинот имаше 2-0 до 88. минута, но Каталонците се надминаа себеси и по продолжение славеа со 3-5 за место меѓу четирите најдобри екипи во натпреварувањето.

Резултатот на стадионот во Гранада се отвори во 33. минута, кога Кенеди доби топка од Соро и успеа да го надмудри Марк Андре Тер Штеген. Тоа беше резултатот и на паузата, а на стартот на вториот дел Роберто Солдадо го матира германскиот голман, за предност на аутсајдерот на хартија од 2-0.

Барселона потоа беше тимот што диктираше темпо, а шансите се нижеа како на филмска лента. „Ножички“ на Гризман, статива на Дембеле, одбрани на голманот Ескандели… па следеше тотален кам-бек на фаворитот. Прво во 88. минута чуварот на мрежата на Гранада си постигна автогол за 1-2, па по големиот притисок и една пречка на Меси, Жорди Алба доби топка од Гризман во 92. минута и реализира за 2-2.

Продолжението беше лудо и полно со голови. Гризман, кој беше супер-активен во 100. минута првпат донесе предност за екипата на Куман. Сепак, само три минути подоцна судијата Санчез покажа на белата точка, а егзекутор беше Феде. Сепак, квалитетот и свежината беше на страната на Барса, која на почетокот на второто продолжение постигна два гола преку Де Јонг и Жорди Алба и стигна до победа од 3-5.

Барса им се приклучи на Севиља и Леванте во полуфиналето, а утре ќе биде познат последниот полуфиналист, по одигрувањето на натпреварот Бетис – Атлетик Билбао. Ждрепката за полуфиналето е в петок во Мадрид.

Повеќе вести

- Advertisement -spot_img

Најнови вести