1.8 C
Skopje
Sunday, January 29, 2023

Балак е убеден дека Германија ќе ја победи Англија

Најчитани вести

Вечерва на програмата се последните два натпреаври од осминафиналето на 16. Европско првенство во кое се среќаваат во Лондон селекциите на Англија – Гермнаија (18 ч.) и во Глазгов, Шведска – Украина (21 ч). Победниците од овие два натпреаври на „Олимпико“ во Рим ќе се соочат во четвртфиналето.

Михаел Балак е еден од германските фудбалски легенди кои не стравуваат од вечерашната пресметка во осминафиналето на „панцерите“ против Англија. За многумина Англија е втор фаворит за титулата, а сега и прв откако Франција испадна на драматичен начин од Швајцарија.

Фактот што досега Гордиот Албион игра на домашен терен на „Вембли“ е предност за Англичаните, но така не мислат и Германците кои сметаат дека нивната репрезентација ќе пронајде уште поголема мотивација да приредат разочарување на трибините на денешното осминафинале на „Вембли“.
Штефан Ефенберг вчера нагласи дека е убеден во победа на неговата репрезентација, а со оптимистичка изјава се огласи и поранешниот играч на Челси кој добро ја познава англиската фудбалска култура.

– И покрај нашето лошо издание против Унгарија, убеден сум дека ќе победиме против Англија. Англија има тим од врвно ниво и има поставено високи стандарди, но не гледам дека Германија заостанува во овој поглед. Изданијата на Англичаните не ме воодушевија и не ме задоволија. Не примија гол, но и не дадоа многу голови. Чудно е што Кејн не постигнува голови, но гледам на следниот ред на Англија како слаба точка. Тоа им е слаба страна, Англија ја нема таа култура да доминира на средината на теренот како што ние го правиме тоа – вели Балак.

Повеќе вести

- Advertisement -spot_img

Најнови вести