Home » Арачиновецот ја застрелал сопругата додека го чистел пиштолот, еве каде ја погодил

Арачиновецот ја застрелал сопругата додека го чистел пиштолот, еве каде ја погодил

by Журнал.мк

Основното јавно обвинителство Скопје донесе Наредба за спроведување истражна постапка против 68-годишен жител на Арачиново, осомничен дека сторил кривично дело – Тешки дела против општата сигурност по член 292 став 1 во врска со член 288 став 1, како и кривично дело – Неовластено изработување, држење, посредување и тргување со оружје или распрскувачки материи според член 396 став 1 од Кривичниот законик.

-На 27 август, со општо опасно средство – огнено оружје пиштол “Црвена Застава” со калибар 7,65 мм кое неовластено го држел во својот дом, осомничениот предизвикал значителна опасност по животот или телото на неговата сопруга. Додека го чистел пиштолот, тој испукал во правец кон оштетената, и ѝ нанел тешка телесна повреда во главата, во пределот на увото, информираа вчера од Обвинителството.

Надлежниот јавен обвинител до судијата на претходна постапка од Основниот кривичен суд Скопје поднесе предлог за определување мерки на претпазливост за осомниченото лице – забрана за напуштање на живеалиштето, обврска повремено да се јавува кај определено службено лице и привремено одземање на патната исправа.

Судијата го прифати предлогот на јавниот обвинител и на осомничениот му ги определи бараните мерки на претпазливост во текот на кривичната ​постапка.

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk