Анчелоти: Модриќ не е среќен, но веќе направи избор

Карло Анчелоти не крие дека Лука Модриќ не е задоволен од статусот во Реал Мадрид во новата сезона, но и натаму останува на располагање на „кралскиот клуб“.

Хрватот мора да им отстапи место на помладите колеги во стартната постава на Реал, а Анчелоти потврдува дека не планира да го менува концептот поради незадоволството на Хрватот.

– Лука очигледно не е среќен што игра малку, но секако ќе добива минутажа.

– Физички е во добра форма и сигурно ќе ни помогне, ова е необична сезона за повеќе фудбалери. Можеби тој е навикнат да биде стартер, но и вака ќе има можност да игра.

– Дали ќе оди во Саудиска Арабија? Мислам дека веќе одлучи за својата иднина и актуелната сезона, – рекол Анчелоти.