17.8 C
Skopje
Friday, September 30, 2022

Андоновиќ: Плановите околу Тајван и воената помош за Русија – Намерите на Кина засега енигма за Западот

Најчитани вести

Денеска е 18-ти ден од војната во Украина. Претходната ноќ беше одбележана со жестоки борби во околината на Киев, а пристанишниот град Мариупол се уште е под постојано гранатирање на руските војници. Украинската разузнавачка агенција ја обвини Русија дека нападнала конвој кој евакуирал жени и деца од селото Перемоха во регионот на Киев, при што загинале седум лица, меѓу кои и едно дете. Русите денеска ја нападнаа и фабриката за цврсто гориво во Авдивка, град кој оттогаш е без греење, по што нејзините поморски сили го блокираа украинскиот брег на Црното Море, изолирајќи ја Украина од меѓународната поморска трговија.

Во меѓувреме САД и се заканија на Кина дека ќе се соочи со санкции доколку испратат воена помош за Русија.

Во пресрет на денешната средба со претставници на кинеската дипломатија, американскиот советник за национална безбедност Џејк Саливан предупреди дека Пекинг апсолутно ќе ги сноси последиците доколку и помогне на Москва да ги избегне западните санкции наметнати поради руската агресија врз Украина.

Оваа реакција уследи по синоќешните написи на американските медиуми дека Москва побарала воена помош од Кина за да ја оконча војната во Украина.

Овие тврдења беа потврдени и од американските разузнавачки служби. Кина засега не потврди но ниту демантираше дека и била побарана помош, но исто така засега не одговори на евентуалните американски закани за санкции.

Се чини дека Кина засега е енигма за западот особено околу нејзините намери околу Тајван како и евентуалното ефективно воено сојузништво со Русија.

Светските воени аналитичари стравуваат дека Кина би можела да го темпира тајмингот за воена инвазија врз тајванскиот остров, токму во време кога целиот свет, особено западот е фокусиран на војната во Украина.

Дали доколку Кина се одлучи на таков чекор, ќе има ефективен одговор од западот? Засега се чини дека тоа би биле санкциите, бидејќи секоја друга опција би го втурнала светот во целосно уништување.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com