-0.2 C
Skopje
Tuesday, October 26, 2021

Американската агенција прогласи 23 животински видови за изумрени

Најчитани вести

Американската федерална агенција за заштита на фауната (FWS) одлучи да прогласи за истребени 23 животински видови, вклучувајќи го и клукајдрвецот со бел клун, кој официјално не е виден од 1944 година.

WS „утврди дека овие видови се истребени“, се вели во соопштението. Започнат е процес за нивно повлекување од листата на загрозени видови.

Владини експерти се обидоа на многу начини да ги најдат овие 23 видови птици, риби и други животни. Тие предупредија дека климатските промени и губењето на хабитатот, заедно со другите притисоци, би можеле да доведат до тоа истребувањата да бидат почести.

„Со климатските промени и исчезнувањето на природните хабитати, сѐ поголем број видови се на работ на истребување. Сега е време за проактивни, заеднички и иновативни начини за спасување на дивината на Америка“, рече Деб Халанд, американски државен секретар за управување со федерални природни ресурси и територии.

Истребувањето на секој од 23-те видови е трајна загуба за природното наследство на Америка, рече Бриџит Фехи од FWS за New York Times.

„Тоа е отрезнувачки потсетник дека истребувањето е резултат на промените предизвикани од човекот во животната средина“, додаде таа.

Меѓу истребените видови има 11 птици, осум слатководни школки, два вида риба, лилјак и едно растение, наведува агенцијата.

Клукајдрвецот со бел клун некогаш бил најголемиот клукајдрвец во Америка, но уништувањето на шумите во јужниот дел на САД го уништило неговото живеалиште. Последен пат е виден во 1944 година во североисточна Луизијана.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com