4.8 C
Skopje
Thursday, October 28, 2021

Ал Капоне не се плашел од никого, освен од духот на човекот што го убил – Подемот и падот на најпознатиот криминалец во светот

Најчитани вести

Во последните години од својот живот бил прогонуван од духот на човекот што го убил, кого го нарекувал Џими. За време на своето владеење не се плашел од никој жив, но секоја вечер врескал во сон и бил преплашен од духот. Неколку помалку познати факти за Ал Капоне.

Кога ќе се спомне поимот познати криминалци, речиси секогаш прво на ум ни паѓа името Ал Капоне. Ќе остане запомнет по тоа што за помалку од една деценија додека владеел со подземјето на Чикаго, успеал да заработи 100 милиони долари, што денес вредат околу 1,5 милијарди.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-02.jpg

Ал Капоне бил роден во 1899-тата година како Алфонс Капоне, во семејство на италијански имигранти работници. Неговиот татко Габриел дошол во САД во 1893-тата година, или само пет години пред Ал да биде роден. Ал Капоне е четврто од деветте деца во неговото семејство.

Бил одгледан во скромно семејство, но отсекогаш сакал да направи нешто повеќе во животот.

На 14-годишна возраст Ал бил избркан од училиште затоа што нападнал наставник и по ова никогаш не го завршил образованието, туку се сконцентрирал на тоа полека, но сигурно да се издигне во редовите на мафијата.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-03.jpg

Откако го напуштил училиштето работел како продавач, во куглана, во фабрика за оружје, па дури и во печатница за книги, а истовремено бил член на подмладокот на бандите во Њујорк – South Brooklyn Rippers и Forty Thieves Juniors.

По ова се приклучил на бандата James Street Boys која била предводена од Џони Торио, кој ќе го земе под своја заштита и ќе му биде ментор. Кога Џони ќе одлучи да се сели од Њујорк во Чикаго, Капоне секако ќе оди со него.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-04.jpeg

Почетоците на мафијашката „кариера“ на Капоне се врзуваат за времето кога работел како обезбедување во бордел во Њујорк што бил во сопственост на блискиот соработник на Торио, Френки Јејл.

Во овој бордел се случиле два важни настани од животот на Капоне: при напад со нож ќе добие лузна на лицето со што ќе го добие прекарот Scarface, што го мразел, а за време на сексуален однос со проститутка ќе се зарази со сифилис.

Се претпоставува дека Капоне премногу се срамел од полово преносливата болест, така што воопшто не сакал да се лекува.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-05.jpeg

На чело на чикашката фамилија ќе застане во 1925-тата година, кога неговиот ментор Торио по престој во затвор ќе одлучи да се пензионира во Италија.

Своето богатство Капоне го стекнал во најголем дел со шверц на алкохол за време на Прохибицијата, кога во САД консумирањето алкохол било во целост забрането.

„Јас сум само бизнисмен што им го дава на луѓето тоа што го бараат“ – велел тој.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-15.jpg

Во Чикаго во тој период биле доминантни две гангстерски групи, Групата од Северниот дел (North Side Gang) предводена од Ирците и Групата од Јужниот дел (South Side Gang) предводена од Италијанците и Ал Капоне.

Својата репутација на безмилосен криминалец Капоне ќе ја стекне во 1929-тата година кога на 14-ти февруари ќе го организира „Масакрот на Денот на вљубените“ во кој ќе ја „избрише“ конкуренцијата.

Во масакрот бил убиен дотогашниот лидер на ирската мафија Џорџ „Багс“ Моран и уште шестмина други. За масакрот само се претпоставува дека бил организиран од Ал Капоне, но никогаш не било докажано дека тој стои зад него.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-07.jpg

Според официјалните податоци, нападот бил извршен од четири непознати лица, од кои двајца биле облечени во полициски униформи.

Кога единствениот преживеан во нападот, Френк Гусенберг, бил пренесен во болница со 14 прострелни рани, полицијата му поставила прашање кој го застрелал, а тој одговорил:

„Никој не пукаше во мене!“

Во периодот додека бил на чело на италијанската мафија Ал Капоне успевал да избегне затвор преку подмитување полициски службеници и заплашување сведоци, а првпат бил уапсен во 1929-тата година за недозволено носење оружје. Во 1931-вата година ФБИ конечно успеала трајно да го стави „зад решетки“ поради избегнување данок.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-06.jpg

Во октомври 1931-вата година Капоне бил осуден на 11-годишна затворска казна. Во периодот од 1932 до 1934 бил сместен во затворот во Атланта, но од 1934 бил пренесен во затворот Алкатраз.

Уште еден интересен и помалку познат факт за Капоне е дека за време на својот живот тој се плашел само од духот на човекот што го убил. Целата приказна почнала во 1929-тата година, кога Капоне за првпат бил во затвор за недозволено носење оружје.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-08.jpg

Се вели дека познатиот лидер на мафијата навечер се будел и го молел „Џими да го остави на мир“.

Ова се случувало и подоцна кога Капоне бил пуштен на слобода. Кога се вратил дома, членовите на неговото обезбедување навечер многупати трчале во неговата соба затоа што мислеле дека е нападнат, а го наоѓале својот лидер преплашен и сам.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-09.jpg

Често се вели дека ова е почетокот на крајот на Капоне. Се претпоставува дека таквото налудничаво однесување било последица на тоа што нелекуваниот сифилис веќе почнал да ги напаѓа неговите мозочни клетки.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-10.jpg

Во 1939-тата година бил пуштен од затвор поради влошена здравствена состојба, односно прогресивна парализа која се јавила како последица на долго нелекуваниот сифилис.

al-kapone-ne-se-plashel-od-nikogo-osven-od-duhot-na-chovekot-shto-go-ubil-podemot-i-padot-na-najpoznatiot-kriminalec-vo-svetot-11.jpg

Последните години од животот ги поминал на неговиот имот во Мајами каде во 1947-та година починал од срцев удар. Според известувањата на лекарите, нивото на интелигенција на Капоне пред смртта било исто како на 12-годишно момче.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com