Малиќи груп неодамна ја отвори својата нова компанија во Албанија, Агмам Груп, чија основна дејност е увоз и дистрибуција на добра меѓу кои и едни од најпознатите светски брендови на алкохолни пијалаци како Johnnie Walker, Gordon’s, Smirnoff, Tanqueray, Baileys, Guinness и Captain Morgan.
– Отворањето на нов пазар значи чекор повеќе од тоа што сега го работиме. Убедени сме дека новоотворената компанија Агмам груп во Албанија која ќе се занимава со увоз и дистрибуција на разни производи, меѓу другото ја има и привилегијата да продолжи успешно да работи на промоција и продажба на брендовите на Diageo исто како тоа што го прават Гемак во Македонија и Гекос во Косово, вели Душан Марковиќ, корпоративен маркетинг и ПР директор во Малиќи групацијата. Тој додава дека ова проширување на операциите со овој реномиран партнер во регионот е воедно и потврда за растот и успехот на Гемак со кој соработката започна пред речиси 30-тина години.
Сите овие компании Гемак, Гекос и Агмам груп, работат под капата на Малиќи Груп, согласно стратегијата и целите на групацијата за проширување и работење на балканските пазари.
