Герет Бејл повеќе нема да го гледаме во дресот на Реал Мадрид, односно искусниот офанзивец сега ќе мора да отвори ново поглавје во кариерата и интересно ќе биде да се види каде ќе заврши со оглед на тоа што во последниве години не беше во прв, па ни во втор план кај „кралевите“ и тоа придонесе за пад во формата.
Вчера дојде шокантна вест од Шпанија дека Велшанецот може да остане во Мадрид, односно дека е понуден на Хетафе. Оваа вест која ја сподели претседателот на клубот Анхел Торес предизвика внимание, реакции со оглед на тоа што беше големо изненадување, меѓутоа по се изгледа тоа е далеку од вистината, некое недоразбирање затоа што во јавноста со кратка порака се огласи агентот на напаѓачот.
– Па јас дури и го немам неговиот телефонски број, – порачал Џошуа Барнет.
